Johnny Depp vuan nga disfunksioni erektil, pohuan avokatët e Amber Heard në dokumentet e sapopambyllura të gjykatës.
Ekipi ligjor i aktores argumentoi në një dosje të 28 marsit, të siguruar nga Page Six, se sëmundja e supozuar mjekësore mund të ketë ndikuar në sjelljen e dyshuar të dhunshme të ish-bashkëshortit të saj.
“Megjithëse zoti Depp më mirë nuk do të zbulonte gjendjen e tij të mosfunksionimit erektil, një gjendje e tillë është absolutisht e rëndësishme për dhunën seksuale, duke përfshirë zemërimin e zotit Depp dhe përdorimin e një shisheje për të përdhunuar Amber Heard“, thuhet në dokumente.
Mosfunksionimi erektil, i njohur gjithashtu si impotencë, përcaktohet nga vështirësia për të arritur dhe mbajtur një ereksion.
Avokatët e Heard vazhduan të pretendonin se problemi i supozuar i penisit të Depp do ta bënte “më të mundshme” që ai të bëhej “i zemëruar ose i acaruar” në takimet me yllin e “Aquaman” dhe do ta bënte atë “të përdorte një shishe”.
Në maj, Heard, shpërtheu në lot gjatë gjyqit për shpifje të ish-çiftit, ndërsa dëshmoi se ylli i “Pirates of the Caribbean”, dyshohet se e përdhunoi atë me një shishe pijeje alkoolike dhe e kërcënoi se do t’i “gdhendte” fytyrën me të, gjatë një sherri të marsit 2015.
Dokumentet e pavulosura zbuluan gjithashtu shkëmbimin e mesazheve me tekst midis Depp dhe Marilyn Manson – i cili në mënyrë të ngjashme është akuzuar dhe ka mohuar akuzat për abuzim seksual – si dhe përpjekjen e yllit të “Edëard Scissorhands” për të sjellë “eksperiencën e shkurtër të ish-gruas së tij si striptiste në gjyq.”
Juria përfundimisht i dha Depp-it 15 milionë dollarë për pretendimet se ai ishte shpifur nga një shkrim i Washington Post i vitit 2018, në të cilin Heard bënte akuza për dhunë seksuale. Ajo u shpërblye me 2 milionë dollarë për pretendimet e saj se avokati i Depp kishte bërë komente të rreme dhe të dëmshme për të.
