Banesat e fshatrave në Dropull rrezikohen nga flakët e zjarrit, të cilët po përhapen me shpejtësi të favorizuara edhe nga temperaturat e larta, por edhe era.
Nga raportimet mësohet se flakët e zjarrit rrezikojnë banesat në fshatrat Lugar dhe Gorricë, ku situata paraqitet më problematike.
Zjarri është rreth 100 metra larg zonës se banuar në fshatrat Lugar dhe Gorricë. Forcat zjarrfikëse dhe banoret e këtyre fshatrave si dhe vullnetare te zonës po punojnë me intensitet për shuarjen e flakëve.
Ekipet zjarrfikëse duket se nuk po e përballojnë dot situatën, ndërsa është kërkuar ndihmë nga Greqia për një helikopter që përdoret për shuarjen e zjarreve.
