Kreu demokrat, Sali Berisha, e ka konsideruar si skandal, atë që ka ndodhur pasditen e sotme në Pogradec, ku deri në orët e mbrëmjes, qarkullimi i automjeteve ishte i bllokuar, për shkak të një maratone që po zhvillohej.
Berisha shkruan se për 4 orë është bllokuar aksi kombëtar, duke krijuar rradhë kilometrike, ndërsa akuzon Bashkinë e Pogradecit dhe Policinë për indiferentizmin e treguar.
Postimi nga Berisha
SKANDAL!!
Bllokohet per 4 ore aksi rrugor kombetar.Kreu i Bashkisë Pogradec, bllokoi aksin kombëtar nga ora 18:00-21:30 duke krijuar radhë shumë të gjata në të dy anët e qytetit për 4 orë.
Dënoj aktin e papërgjegjshëm të kreut të bashkisë së Pogradecit, qëndrimin indiferent të policisë dhe organeve të drejtësisë për të cilët ligji nuk ekziston.
🔴Lexoni raportimin e gazetarit, Osman Stafa dhe shikoni videon e tij. sb
Ja cila është pasoja e maratonës së organizuar në qytetin e Pogradecit. Radhë kilometrike në të dyja anët e Pogradecit, për ata që shkonin në Tiranë dhe anasjelltas. Një menaxhim skandaloz, paaftësi e cila bëri që mijëra qytetar, të bllokoheshin prej orës 18:00-21:30.
Mos e dhënt Zoti që të kishe një emergjencë, sepse nuk kishte asnjë mundësi ku të kaloje. Nuk jam kundër maratonave, por të cënosh lirinë e levizjes të qytetarëve pa dhënë asnjë alternativë nuk e justifikon këtë organizim.
E drejta e lëvizjes është e drejtë kushtetuese dhe nuk ka individ me pushtet që mund ta zhbëj këte fakt.
