Kryetari i Partisë së Lirisë bën thirrje për ulje të çmimeve dhe rritje të rrogave dhe pensioneve. Përmes një postimi në FB, ish presidenti Ilir Meta thotë se qeveria Rama “e padenjë për popullin shqiptar dhe e pandjeshme për shtresat në nevojë” vazhdon të paguajë miliona euro për incineratorët.
“Incineratori i Elbasanit është financuar në vlerën 1.9 miliard lekë, incineratori i Fierit është financuar në vlerën 3.6 miliard lekë, dhe incineratori i Tiranës, që është financuar nga viti 2018 deri në vitin 2022 në 6.1 miliard lekë, dhe parashikohet të financohet me 3.5 miliard lekë shtesë për vitin 2023 dhe 2024. Miliarda lekë për klientët e Qeverisë dhe zero lekë për qytetarin e thjeshtë”, shkruan Meta.
“Kjo Qeveri nuk meriton më të qëndrojë as edhe një minutë më shumë, shton Meta, ndërsa thekson angazhimin më të madh të Partisë së Lirisë “Revolucioni Antikorrupsion, që do të ndëshkojë abuzuesit në çdo nivel dhe paratë e vjedhura prej tyre do t’u a kthejë shqiptarëve!”
