Pas disa javësh negociata rraskapitëse, Charles De Ketelaere është gati të plotësojë dëshirën për të veshur fanellën e Milanit. Fantazisti belg do të transferohet në Milano për 32 milionë euro plus 3 të tjera në formë bonusesh, ndërsa Brugge do të arkëtojë edhe 12.5% të shumës në rast se lojtari rishitet.
Megjithatë, mediat italiane kanë pasqyruar edhe axhendën e ditëve të para të lojtarit në Milano. Ai pritet të zbarkojë në qytet gjatë kësaj fundjave ku do të kryejë vizitat mjekësore.
Firma pritet të vijë ditën e hënë ku do të kryhet edhe zyrtarizimi i lojtarit, pasi drejtuesit e Milanit janë të fokusuar te ndeshja miqësore me Marseille. Në ditët e para të javës tjetër, De Keteleaere do të firmos një kontratë deri në vitin 2027 me Milanin ku do të përfitojë 2.3 milionë euro në sezon.
