Një ditë pasi u liruan 14 marinarët e anijes që solli afërsisht 50 kg kokainë në Durrës të fshehur brenda në qymyr, një prej tyre është ndaluar sërish.
Është arrestuar marinari rus Grigory Gorbunov, inxhinier i dytë i anijes. Nga kqyrja e telefonit të rusit janë konstatuar materiale pornografike me të mitur.
Në celularin e Grigory Gorbunov janë gjetur mbi dhjetëra mesazhe foto video që faktojnë aktivitetin e tij kriminal të pornografisë me të mitur.
Anija e larguar dhe bashe më 13 marinarët e tjerë. Ndërsa shtetasi rus ndodhet në Shqipëria në paraburgimin e Durrësit.
“Nga specialistët për Hetimin e Krimeve në Komisariatin e Policisë Durrës u bë ekzekutimi i urdhrit të ndalimit, të lëshuar nga Gjykata e Shkallës së Parë Durrës, për shtetasin: G. G., 42 vjeç, banues në Rusi, për veprën penale ‘Pornografia’. Ndalimi i këtij shtetasi u bë pasi Gjykata e Rrethit Gjyqësor Durrës i ka caktuar masën e sigurimit ‘Arrest në burg’. Nga veprimet hetimore rezultoi se 42-vjeçari ishte inxhinier i dytë i anijes që u kap me 49 kg kokainë, në portin e Durrësit, në maj të këtij viti. Gjithashtu, gjatë veprimeve, rezultoi se shtetasi G. G. mbante në telefonin e tij materiale të ndryshme pornografike”, njoftoi policia.
