Gazetari Bledian Koka komentoi në edicionin e pasdites në Syri Tv zhvillimet politike në vend. Koka deklaroi se politika opozitare është kthyer në shinat e duhura të funksionimit ndërsa shtoi se nga ana tjetër, kampi socialist është i zhytur në skandale, vjedhje dhe dështime në të gjitha drejtimet.
“Ajo që i ka ndodhur Shqipërisë që prej shpalljes non grata të Berishës dhe vendimit të Bashës që e përjashtoi pa asnjë konsultë, që aty gjërat pavarësisht goditjeve që i janë dhënë forcave opozitare, ky në vetëvete është zhvillim i rëndësishëm.
Nga 25 prilli Shqipëria ishte shndëruar në kënetë politike ku mendimi politik kishte vdekur, ku denoncimi opozitar ishte shitur tek qeveria e kryeministri.
Zhvillimi që pas 9 shtatorit dhe ajo që vendosi Berisha të bënte, për tu rikthyer dhe për të çliruar energjinë opozitare, ky është lajm i mirë.”-tha Koka.
Më tej Koka tha se regjimi që dukej aq i fortë dhe i pamundur për shkak se kishin përballë një opozitë të Bashës që e shiste kauzën, sot është i frikësuar.
“Investimi për non gratën britanike ishte e turpshme. S’ka reagime institucionale. Vendimet dhe qasjet me ndërkombëtarët, dita-ditës na shfaqen si akte të korruptueshme. Dua ta quaj lobim, se s’dua ta quaj korruptim.”-tha Koka.
