Eksperti i energjisë, Eduart Elezi i ftuar në Syri Tv, ka hedhur dritë mbi vjedhjet galoponte që po bëhen në sektorin e energjisë, ndërsa theksoi se kriza vjen si pasojë e keqmenaxhimit nga qeveria. Elezi u shpreh se janë mbi 60 tendera për blerje të energjisë ndërkohë që vendi po furnizohet me kaskadën e Drinit.
“Ka një abuzim të jashtëzakonshëm nga në 6 mujorin e parë nga blerjet ose prokurimet të bëra nga korporata e elektro-energjiktike shqiptare.
Në situata të tilla, që mund të pritet kufizime të energjisë, në Janar do të duhej që të nënshkruanin një kontratë për blerjen e energjisë me afat të gjatë dhe kjo do të mundësonte edhe një çmim të lirë, ndërsa qeveria ka operuar me blerje afatshkurtra ose javore, veprim që ka sjellë edhe blerje me çmim të lartë në ditët e sotme.
Tenderi për të blerë sasi javore energjie me një tarifë 528 euro për klË që është shumë e lartë.
Kjo blerje është referim i bursës hungareze, në bursë kjo blerje është 390 euro për mgË pra që do të thotë që është blerë më shtrenjtë.
Pra nëse do të ishte blerë për një sasi më të madhe se sa një javë ajo do të sigurohej me diku 320 euro.
Kjo është një situatë që rrezikon financat e qeverisë shqiptare duke pasur parasysh dhe diku mbi 60 tendera për këtë problem që po sjell shumë probleme, gjej rastin ti bëj thirrje SPAKUT të hetojë këto abuzime të frikshme.
Janë harxhuar 300 milionë euro për blerjen e energjisë në periudhën 6-mujore ndërsa nuk është harxhuar energjia e blerë por është mbuluar me kaskadën e Drinit.”– u shpreh Elezi
