Është sekuestruar në Morinë të Kukësit një Range Rover modern.
Mësohet se makina e sekuestruar mund të jetë e vjedhur, prandaj dhe është vënë nën sekuestro.
“Policia e Kosovës në bashkëpunim me Policinë e FRONTEX, të cilët janë me mision në PKK Vermicë, është bërë verifikimi më i detajuar i automjetit dhe pas një pune hetimore dhe verifikimeve të kryera, ka rezultuar se ky automjet është raportuar i vjedhur në Itali, në vitin 2021.
Më pas dyshohet se i janë falsifikuar dokumentet e automjetit dhe i njëjti është ri–regjistruar në Shqipëri”, njofton policia, transmeton Express.
Në lidhje me rastin është njoftuar Prokurori i Shtetit pranë P.Th Prizren, i cili ka urdhëruar që të iniciohet rasti dhe vetura të sekuestrohet.
“Lënda për hetim i dorëzohet njësitit së autokrimeve për hetime dhe procedim të mëtejm”, thuhet në njoftim.
