Kreu i Partisë së Lirisë, Ilir Meta mbajti një takim me strukturat rinore të Partisë së Lirisë. Gjatë fjalës së tij Meta tha se qëllimi i Partisë së Lirisë është referendumi.
Ai kërkoi mbështetjen e të rinjëve për referendumin.
“Qëllimi i Partisë së lirisë nuk është pushteti dhe thjesht pushteti. Qëllimi është Referendumi, referendumi, Referendumi. Unë kam dëshmuar se ju ka dhënë hapsira të rinjëve si askush tjetër. Referendumi është jo thjesht një mjet që popullit të votojë për diçka, është mjeti kryesor që sovrani, do të theksoja të rinjtë e të rejat të kenë në kontroll në çdo rast klasën politike. Të kenë parlamentin, të kenë qeverinë , institucionet e tjera. Është e rëndësishme ta kuptojmë si një mjet kontrolli të klasës politike. Ne të bëjmë një ligj që të jetë i zbatueshëm i aplikueshëm dhe kërkoj mbështetjen tuaj dhe të të gjithë të rinjëve të Shqipërisë për Referendumin. Sepse është fuqia e popullit e të rinjëve”, tha Meta.
