Këngëtarja Mariza Ikonomi zbuloi pak kohë më parë se është në një lidhje dashurie dhe kudo më pas u përfol se do martohej.
Së fundmi, në një intervistë për Top Albania Radio, Mariza u pyet për këto thashetheme dhe tha se: “Besoj që martesa me personin e duhur nuk është asnjëherë gabim. Mua nuk më frikson por edhe nuk jam nga ata që vdiqa për t’u martuar. Unë i dua festat. E rëndësishme është se si ndihesh me njëri-tjetrin pastaj këto gjërat janë të bukura dhe mund të mbetet një kujtim por nuk është gjithçka”.
Këngëtarja rrëfeu gjithashtu se këngën e fundit ia ka dedikuar partnerit të saj duke thënë se ndihet vërtetë e dashuruar.
“Në fakt kjo ka qenë një nga këngët që ne ia kemi kushtuar njëri-tjetrit, ose unë ia kam kushtuar atij. Muzika edhe teksti është frymëzuar prej tij. E kemi kënduar shumë shpesh bashkë. Kishte një ‘vibe’ shumë të mirë. Kjo është kënga e parë që unë i kam kushtuar dhe shpresoj që të vazhdoj t’ia kushtoj sepse nuk ka gjë më të bukur sesa të frymëzohesh nga dashuria. Unë vërtet ndihem e dashuruar dhe e lumtur.”
