Avokati, Altin Goxhaj ka komentuar mitingun që do të mbahet sot në Sheshin Skënderbej, në nder të 100 vjetorit të marëdhënieve Shqipëri-SHBA.
Përmes një postimi në rrjetin e tij social fb, Goxhaj shprehet se Rama dhe Veliaj po kthejnë komunizmin me antimitingje me detyrim të administratës njësoj si në vitet 1990, ndërsa shton se ky është një akt i shëmtuar dhe i paprecedentë, në bashkëpunim me ambasadoren Yuri Kim.
Postimi:
“Nesër klasa punëtore e Administratës Publike do të parakalojë para shokëve të udhëheqjes së Rilindjes dhe ambasadorëve njësoj si në kohën e Enverit para shokëve të Byrosë dhe përfaqësuesve të partive komuniste motra të Bashkimit Sovjetik dhe Kinës Komuniste”
Nuk është thjesht faji i Ramës dhe Veliajt që po kthejnë komunizmin me antimitingje me detyrim të administratës njësoj si në 1990:
“PO NUK ERDHE FAMILJARISHT PUSHOHESH NGA PUNA!”
Ky akt i shëmtuar dhe i papreçedentë në Europë i Partisë Shtet të krijuar në 8 Nëntor 1941, po ndodh de facto në bashkëpunim me Ambasadoren e SHBA Znj. Yuri Kim dhe përfaqësuesin e Delegacionit të Komisionit Europian dhe çdo ambasador dhe diplomat europian, të cilët janë bashkëpunëtorë në heshtje paraprake dhe do të jenë pjesmarrës fizikisht për të vulosur këtë AntiMiting pengmarrje të qytetarëve, për qëllime të pastra partiake antishqiptare!
P.s.
Ylli simbol i posterit të antimitingut bolshevik, nuk ka lidhje as me yjet e flamujve si amerikanë dhe si të BEsë sepse ka tjetër konotacion në historinë tonë dhe këtë e dinë më mirë ekspertët e Ambasadës Amerikane dhe Delegacionit të BE!
Ky është një provokacion i hapur bolshevik që implikon vetë ambasadorët që do çertifikojnë modelin diktatorial të marrjes peng të shqiptarëve nëpër mitingje njësoj si në kohën e Enverit në 1 Maj dhe 29 Nëntor që i detyronin të parakalonin para shokëve të Udhëheqjes së Partisë dhe përfaqësuesve të partive komuniste motra të Bashkimit Sovjetik, të Kinës, të Zhoao Amazonës dhe Vietnamit!
