Një shpërthim ka ndodhur në një sevis makinash në kryeqytet gjatë natës. Nga shpërthimi, që sipas policisë është i qëllimshëm, nuk raportohet për persona të lënduar, por ka dëme materiale.
“Në orën 04:35, në afërsi të Liqenit të Thatë, në një servis automjetesh, në pronësi të shtetasit R.P., është vendosur një sasi e vogël lënde plasëse dhe si pasojë ka vetëm dëme materiale”, thuhet në njoftimin paraprak të bluve për ngjarjen.
Grupi hetimor vijon punën për zbardhjen e plotë të rrethanave të ngjarjes, identifikimin dhe kapjen e autorëve, shtuan të njëjtat burime.
