Kreu i PD Sali Berisha deklaroi në një takim me qytetarë në Mirditë se nuk ka krim më të shëmtuar se të arredosh zyrën me 200 mijë euro.
Berisha tha se Belinda Balluku e cila u bë zv/kryeministër, e ka zyrën prej 200 mijë eurosh ndërsa shtoi se nuk do ta lejojnë më Ramën të ketë avion në dispozicion.
“Ne nuk do të arredojmë zyrat me 200 mijë euro. A ka krim më të shmëtuar. Kjo që u bë zv/kryeministre, Balluku, 200 mijë euro zyrën. Nuk do shëtisë Rama me aeroplan në dispozicion.
Qveria austriake kur isha unë kryeministër, e kishte të ndaluar për ministrat të udhëtonin me bussines class, por economy. Austria i ka rrogat 8 herë më të larta se ne”, tha Berisha.
Ai tha se janë politikat e këqija, që nuk vendosin njeriun në epiqendër me problematikat e tij.
“Ata që krijojnë këtë situatë sikur Shqipëria është në luftë civile, në 2019, ishim në vendin e parë për refugjatë në BE, para sirianëve e afganëve.
Do e fillojmë me votën, vota është dinjiteti. Nëse nuk votjmë të lirë nuk ka të ardhme. Do vendosim dinjitetin e njierut, do vendosim votën si kombet e tjera, se kështu po bëhemi këta që ikin masivisht.
Të shkojmë deri tek politika e fëmijës së tretë. Do ta bëjmë atë. Do ta bëjmë sepse krahas asaj që do bëjmë gjithçka që mos të largohen, do bjëmë gjithçka për të shtuar lindjet dhe për të shpëtuar popullatën.
Po përthahemi, po shkretohemi, duhet t’i japim fund. Nuk jam racist, por unë në fillim do mendoj për shqiptarët”, tha Berisha.
