Vdekja e modeles Sofia Olifrenko, e cila u rrëzua 60 metra nga ballkoni i hotelit të saj, duket se është paksa misterioze. Policia është duke hetuar nëse 24-vjeçarja është hedhur vetë apo e ka shtyrë dikush.
Ngjarja e rëndë ka ndodhur më 18 korrik në një hotel në Stamboll të Turqisë. Thuhet se Sofia Olifrenko vdiq menjëherë pasi ra nga ballkoni i dhomës në katin e pestë.
Ndërkohë pamjet e kamerave të sigurisë në hotel të marra më herët gjatë ditës, e tregojnë të renë duke ecur me pak probleme. Në një moment, ajo përdor murin që të mbështetet.
Gjithashtu thuhet se policët kanë folur me një shtetas turk F. K., i cili ka thënë se e ka parë 29-vjeçaren duke qarë në rrugë. Sipas raportimeve, ai u tha oficerëve: “Nuk e di emrin e gruas, u takuam në rrugë. Ajo po çante. E çova në dhomën e saj të hotelit”. Ai ka pohuar se Sofia dukej se ishte shumë e dehur dhe me zor po ecte. Raportohet gjithashtu se ajo ishte regjistruar në hotel me emrin e rremë, Alexandra V.
Bashkëshorti i saj është shprehur se Sofia kishte mbërritur në Stamboll më 9 maj për punë modelingu, por ai kishte humbur kontaktet me të tri ditë para vdekjes së saj.
