Presidenti amerikan, Joe Biden u bëri thirrje amerikanëve që të vendosin maskat në fytyrë gjatë qëndrimit në ambiente të mbyllura pasi ai rezultoi negativ të mërkurën për COVID-19 – por pranoi se edhe njerëzit e maskuar mund të sëmuren.
“Ne kemi vënë në dispozicion maska të cilësisë së lartë falas. Kështu që ju duhet të konsideroni të mbani një maskë kur jeni në një vend publik të mbushur me njerëz”, tha Biden, i cili kishte qëndruar disa ditë në karantinë.
I pari i shtetit amerikan nuk tregoi se si u infektuar me coronavirus pasi përgjithësisht nuk mbante maska brenda për muaj të tërë, raporton nypost.
Shmangia e fundit e presidentit për t’u maskuar në ambiente të mbyllura besohej të ishte një përpjekje për të transmetuar një kthim në normalitet pas dy viteve të kufizimeve të rrepta sociale.
“Realiteti është se [nënvarianti Omicron] BA.5 do të thotë që shumë prej nesh do të infektohen me COVID-19 edhe nëse marrim masat paraprake. Kjo nuk do të thotë se ne po bëjmë ndonjë gjë të gabuar”, tha ai.
