Nicolas Sarkozy dhe Carla Bruni janë fotografuar duke u argëtuar në një jaht në brigjet e ishujve Balerik. Ish-presidenti i Francës është kapur nga paparacët teksa qëndron me këngëtaren dhe modelen 54-vjeçare, me të cilën u martua në vitin 2008 në Paris.
“Daily Mail” shkruan se Sarkozy dukej i mrekullueshëm për moshën e tij, duke u hedhur nga jahti në det për të notuar në ujin e kaltër. Më pas është kthyer sërish në bord, aty ku Bruni e ka pritur me një përqafim të ngrohtë. Nga ana tjetër, Carla dukej në super formë teksa mbante veshur një palë pantallona të shkurtra dhe një kanotiere të zezë.
