Aktori Edmond Budina komentoi në emisionin ‘Task Force’ në Syri Tv koncesionin për Parkun Kombëtar të Butrintit dhe deklaratat e kreut të fondacionit që do menaxhojë Butrintin, Richard Hodges.
Aktori Edmond Budina deklaroi se kemi të bëjmë me një tradhti kombëtare. Më tej aktori deklaroi se kemi të bëjmë me një strategji të mirësynuar për të shkatërruar kulturën kombëtare.
Në përfundim Budia u shpreh se duhet luftuar mentaliteti mafioz për të rrëzuar Edi Ramën.
“Fjala tradhti është pak. As të huajt nuk kanë thënë gjëra të këtij lloji si Hodges. Kjo bëhet hapur sepse ata kanë instaluar një psikologji mafioze tek ne.
Njerëzit i kërcënojnë ose me jetë ose me bukën e gojës. Prandaj bëjnë si duan ata në të gjitha gjërat.”-tha Budina.
Sakaq, Budina tha se mentaliteti mafioz duhet luftuar e shembur pasi në të kundërt u shpreh se do jetë e vështirë për të rrëzuar Edi Ramën.
