Në dy vitet e fundit shohim një trend në rritje, atë të transferimit të lojtarëve shqiptarë drejt Turqisë. Aktualisht në këtë shtet është krijuar një koloni futbollistësh shqiptarë, si në Superligë po ashtu edhe në ligën e parë turke.
I fundit që u transferua është Enriko Papa, i cili kaloi nga Botoshani i Rumanisë te Rizespori. Por në Turqi mund të gjesh edhe Cikalleshin me Çekiçin, Ermir Lenjanin e sapoardhur apo edhe dyshen e Istanbulsporit, Kristal Abazaj me Eduard Rroca. Gjithashtu, më poshtë luajnë edhe Odise Roshi, Bekim Balaj, Jurgen Bardhi, Dejvi Bregu, Eraldo Çinari, Uerdi Mara apo edhe portieri i Kombëtares Gentian Selman.
