Gilman Lika është rikthyer te Vllaznia. Nëse në fushë dhe me shiritin e kapitenit mëngjarashi shkëlqeu si futbollit, tanimë është koha që atij t’i besohet posti i trajnerit për ekipin e U-17.
Nga 1 gushti, Gilman Lika do marrë postin e ri, me drejtuesit që kanë besuar te aftësitë e ish-kapitenit. Vllaznia U-17 pak kohë më parë u shpall kampione e Shqipërisë dhe Kupës së Republikës, nën drejtimin e Edmond Doçit.
Sezonin e shkuar Lika ishte pjesë e stolit të Basania U-15 në Superligë, ndërsa ish-lojtari i Kombëtares do marrë drejtimin e moshave të Vllaznisë.
Nderkohe Vllaznia do të ketë në dispozicion 70 milionë lekë të vjetër premio në rast kualifikimi në turin e tretë të Ligës së Europës.
Natyrisht, diferenca nga 50 mijë euro në 70 milionë është diku te 12 milionë lekë të vjetër më tepër për kuqeblutë, në krahasim me premtimin e parë që iu bë skuadrës.
Vlen të theksohet se në rast eliminimi, sërish klubi Vllaznia del nga Europa me një bonus jo të vogël, pikërisht 450 mijë euro, që UEFA i jep për pjesëmarrjen në turin e dytë të Ligës së Konferencës.
