Dorian Keqi i arrestuar si një nga tre autorët e vrasjes së Saimir Jakës, ish-drejtorit të OST në Rrëshen, ka mohuar se është i përfshirë në këtë ngjarje. Pasi u njoh me akuzën e vrasjes në rrethana cilësuese, dhe atë të plagosjes së rëndë me dashje, 40-vjeçari është shprehur se ai nuk është përfshirë në asnjë ngjarje, dhe se është puntor krahu.
“Nuk kam lidhje me këtë ngjarje, personin me të cilin më akuzoni nuk e njoh. Unë punoj në ndërtim në të zezë dhe nuk kam asnjë dijeni për akuzat apo personat që më akuzoni”, mësohet të ketë thënë Keqi, përpara hetuesve, shkruan Faxweb.al.
Por gjurmët e gishtërinjve rrëzojnë pretendimet e 40-vjeçarit. Sipas grupit hetimor Dorian Keqi, është personi që ka spërkatur me benzine dhe më pas ka djegur mjetin që autorët përdorën në vrasjen e Jakut. Gjurmët e gishtërinjve të Keqit janë gjendur në një bidon plastik, të gjendur në vendin ku u dogj automjetit pasi kryen krimin.
Sipas grupit hetimor gjurma është e pakundërshtueshme dhe përputhet me provën materiale të gjendur në vendngjarje. Ndërkohë identifikimi i ketij shtetasi nuk ishte bërë i mundr pasi ai rezultonte pa precedent penal, dhe i paskeduar nga ana e policisë.
Kapja e tij ishte krejt rastësore. Dorian Keqi, u arrestua tre ditë më parë, pasi gjatë një patrullimi i policisë rrugore përgjatë aksit nacional te Kurbinit, ai u kap në gjëndje të dehur. Duke qenë se ai ishte pa paprecedent, policia nisi procedurat për marrjen e shenjave të gishtërinjve, por përgjigja e tyre e krahasimit të te dhënave papilare vuri menjëherë në lëvizje oficerët e krimeve, duke identifikuar 40-vjeçarin si një nga autorët e ngjarjes së 6 viteve më parë në Rrëshën, ku u ekzekutua Saimir Jaku dhe u plagos rëndë Gjergj Prenga.
