Dy persona u arrestuan nga policia në Tiranë në një operacion të zhvilluar për goditjen e veprimtarisë kriminale në fushën e armëmbajtjes pa leje.
Mësohet se janë vënë në pranga Remal Rada, 39 vjeç, ish-efektiv i RENEA-s dhe Elton Hithi, 28 vjeç.
Në automjetin me të cilin dy të rinjtë po lëviznin policia gjeti jë armë zjarri snajper, targa të huaja, një mjet identifikimi ai ato të Policisë dhe një pult për hapjen dhe mbylljen e targave të mjetit.
Ndërkohë mësohet se Ramel Rada ish-efektiv i RENEA-s, ishte larguar nga radhët e policisë para 3 muajsh. Ka qenë ky person që lëvizte në Tiranë me një makinë luksoze derisa u ndalua. Sipas Klan Neës policia dyshon se së bashku me shokun e tij, do të kryenin një vrasje.
Kontrollet pasuan me banesat e tyre dhe u gjetën një pistoletë, dy palë dylbi dhe municion luftarak. Të gjitha ato u sekuestruan së bashku me mjetin luksoz.
Dy të rinjtë u kapën pas informacioneve se qarkullonin me armë pa leje.
