Dy ish-banoret e “Big Brother VIP”, Beniada Nishani dhe Einxhel Shkira, janë përballur për herë të pas që pas daljes nga shtëpia më e famshme në Shqipëri dhe prishjes së miqësisë.
Einxhel ishte e ftuar në programin ‘She/ He’s On Top’, ku juri është Beniada. Ndryshe nga sa pritej ato nuk sqaruan se çfarë ka ndodhur konkretisht mes tyre, por ishin shumë të ftohta me njëra-tjetrën.
“Kam kujtime shumë të bukura nga “Big Brother”. Me Beniadën kam kujtime të të gjitha formave”, tha Shkira.
Nga ana tjetër Nishani u shpreh se nuk ka vend për drama, ata kanë vijuar jetën e tyre dhe janë të dyja mirë e të lumtura. “E prisnim të na vinte Einxhel. Jam e lumtur që ka ardhur, duket e qetë e lumtur. Nuk ka asgjë për të shtuar, jeta vazhdon, të dyja jemi shumë të lumtura”, u shpreh modelja seksi.
Edi Manushi insistoi që ato të përqafoheshin në fund për një foto, por të dyja u treguan të ftohta.
