Arban Domi, virolog në Shtetet e Bashkuara të Amerikës,tha gjatë një takimi me kreun demokrat Sali Berisha, se shqiptarëve që jetojnë jashtë, duhet ti garantohet e drejta e votës.
“Insistoni që të krijohet një portal jashtë e-albania, që të jetë nën kontrollin e KQZ, si institucion i pavarur. Të jetë nën menaxhim dhe kontroll të plotë.
Edhe në Shqipëri por dhe në emigracion ka specialistë të sigurisë kibernetike që mund të përfshiheshin në krijimin e këtij sistemi.
Për ne që jemi në emigracion kjo është shumë e rëndësishme se jo vetëm votimi është i rëndësishëm, por edhe mënyra e të votuarit. Nëse emigracioni nuk voton në zgjedhjet e ardhshme, ato zgjedhje do të jenë dështim”, tha Domi.
