Ashtu si edhe ish-Presidenti Ilir Meta, i cili po drejton Partinë e Lirisë, edhe kreu demokrat Sali Berisha, i ka konsideruar referendumet si një domosdoshmëri.
Në takimin me intelektualët, i cili u mbajt pasditen e sotme, Berisha tha se duhet të përgatitemi për një referendum dhe do punojmë për demokracinë direkte.
“Të gjithë ne duhet të përgatitemi për një referendum. Se një parti fiton zgjedhjet, një kryeministër hipën në timon, kushtetuta mbetet siç është, ligjet mbeten siç janë, dhe vjen tjetri që bën këto që po bën. Ka një rëndësi të jashtëzakonshme themelore të angazhohemi dhe të punojmë që me demokracinë direkte ne të bëjmë ndryshimet që duhen”, tha Berisha.
