Ish-presidenti Ilir Meta mbajti fjalën e tij në Konventën e LSI, nga ku tha se në 5 vitet e qëndrimit në Presidencë ka parë rreziqet që i kanoseshin vendit, ku sipas tij është cenuar sovraniteti si dhe është vënë në diskutim pavarësia dhe shtetësia e Kosovës.
Ka ardhur koha, tha Meta, që shqiptarët të marrin përgjegjësi dhe të mos ia delegojnë më atë politikës dhe politikanëve.
“Situata është jashtëzakonisht kritike. Situata në vend kërkon një ndërhyrje urgjente të të gjithë qytetarëve të cilët duhet të marrin përgjegjësi, pasi nuk munden më t’ia delegojnë përgjegjësitë e tyre kësaj klase politike. Në këto 5 vite kam qenë në një lartësi ku kam parë çdo gjë. Dhe fitova një këndvështrim të ri që më mungonte më parë.
Kam parë një rrezik të jashtëzakonshëm kanosës për sovranitetin e këtij vendi, për pavarësinë dhe shtetësinë e Kosovës të fituar me aq mund, gjak dhe sakrifica. Kam parë një plan të përllogaritur për të ekzekutuar pluralizmin politik në Shqipëri dhe për të patur një fasadë-demokraci. Kur viktimat nga frika duhet të falenderojnë dhunuesit dhe përdhunuesit përse nuk po i dhunojnë akoma më shumë, kur shpresa, ku e drejta, ku besimi të vritet nga frika se ka edhe më keq.
Po ka edhe më keq nëse prisni thjesht nga Ilir Meta, nga kushdo tjetër, prandaj secili duhet të marrë përgjegjësitë e tij dhe prandaj duhet të nisemi me përfundimin e këtij evenimenti të rëndësishëm me venedim të madh për të takuar çdo qytetar të Shqipërisë që t’i themi se ka vetëm një zgjidhje. Kemi provuar çdo gjë në këto 30 vjet, zjhidhja është të zbatohet Kushtetuta e Republikës së Shqiëprisë, instrumenti që me referendum populli, sovrani e vendosi, në Kushtetutë që të ushtrohet sa herë abuzohet me sovranin”, u shpreh Meta.
