Një person i dënuar me 21 vjet burgim për vrasje nga autoritetet vendase, është ekstraduar në Shqipëri, nga Mbretëria e Bashkuar.
Bëhet fjalë për Lekë Prendi, alias Aleks Kola, alias Nikolin Pacani, 42 vjeç, të cilën Gjykata e Apelit Shkodër e ka dënuar në mungesë me 21 vjet burgim, për veprat penale “Vrasja” e kryer në bashkëpunim, “Vjedhja me pasojë vdekjen” dhe “Armëmbajtja pa leje” .
Krimi ka ndodhur më 10 Prill 2000, kur sipas hetimeve, gjatë një grabitje autobusi në Kukës, Lekë Prendi ka qëlluar me armë dhe për pasojë është vrarë kleriku Gjovalin Prendi.
Pas rkimit, Lekë Prendi ka arritur të arratisej nga vendi dhe u fsheh në Angli duke përdorur identitete të rremë.
Lekë Prendi është arrestuar vite më parë. Gjykata britanike e ekstradimeve ‘Westminster Magistrates’ vendosi që ai të ekstradohej por çështja mbërriti në Gjykatën e Lartë angleze “High Court” e cila e bllokoi ekstradimin në vitin 2015.
Megjithatë Ministria e Drejtësi në Shqipëri nuk u dorëzua dhe lëshoi një urdhër të ri për arrestimin e tij duke sjellë një provë të re përpara gjykatës.
Lekë Prendit i ishin marrë shenjat e gishtërinjve në Itali kur fshihej atje përpara se të mbërrinte në Angli.
Në Itali, Prendi kishte deklaruar se quhej Nikolin Pacini. Gjyqtari Tan Ikram tha se Aleks Kola dhe Lekë Prendi ishte i njëjti person dhe se duhet të ekstradohej.
