Një aksident i rëndë ka ndodhur rreth orës 10:00 të mëngjesit të sotëm në autostradën Fushë Krujë-Milot.
Në aksident janë përfshirë katër makina, ndërsa ai ka ndodhur në afërsi të Thumanës.
Makinat janë përplasur me njëri-tjetrën dhe për pasojë është plagosur rëndë Serxhio H., 30 vjeç i cili ka humbur njërën këmbë.
I plagosuri është marrë nga autoambulanca e qendrës shëndetësore të Fushë Krujës dhe është dërguar me urgjencë tek Trauma.
Mësohet se janë tre persona të plagosur, por në gjendje më të lehtë se 30-vjeçari.
