Ka një entuziazëm të madh në shtëpinë e Barcelona-s pas mbërritjes së Robert Lewandowski-t. Sulmuesi polak do të japë padyshim një kontribut të madh në zonën e golit dhe do ta ndihmojë klubin e ri të kthehet në një nga më të frikshmit në Europë.
Për këtë është i bindur edhe Pierre-Emerick Aubameyang, i cili ka folur për polakun, ish-shoku i skuadrës te Borussia Dortmund, dhe ambiciet e skuadrës për sezonin e ri:
“Kur transferimi i Lewandowski-t është zyrtarizuar, kam qenë shumë i lumtur. Në krahasim me të kaluarën, unë dhe ai kemi më shumë eksperiencë, kështu që mund të luajmë bashkë edhe më mirë në krahasim me kohën kur luanim te Borussia”, ka thënë Auba për ESPN.
“Jam i sigurt se do të bëjmë më të mirën tonë për të përmirësuar statistikat që kishim te Dortmund. Jam shumë i kënaqur sepse tani Barça mund të luftojë për të gjithë trofetë.
“Jam i gëzuar edhe që Ousmane Dembele ka qëndruar këtu. Cilësitë e tij janë thjesht të pabesueshme dhe shijoj çdo ndeshje që luaj me atë në fushë”.
