Ky është Klisman Preçi, i riu që mbeti viktimë gjatë atentatit të mbrëmjes së djeshme, ku gjithashtu u plagos dhe Ylli Brahimi. Preçi dhe Brahimi i kanë mbijetuar atentateve të mëparshme, por për të riun plumbat e ditës së djeshme rezultuan fatale.
Klisman Preçit iu bë atentat gjithashtu dhe më 14 Maj të këtij viti, në Ishull Lezhë. Ai udhëtonte me makinë së bashku me kushëririn e tij Blerim Preçi kur rreth orës 20:05 është qëlluar me breshëri plumbash nga një automjet tjetër. Autorët lëviznin me një makinë Audi dhe sapo iu kanë afruar shënjestrës kanë hapur zjarr. Dy kushërinjtë i shpëtuan plumbave.
Sa i përket atentatit të mbrëmshëm, Preçi dhe Ibrahimi lëviznin me një automjet fuoristradë tip “Land Chrysler”, të blinduar. Ndërkohë, dyshohet se Ylli Brahimi ka qenë objektivi i autorëve që kanë qëlluar në drejtim të mjetit, nga një një automjet tip “Audi” që dyshohet se u dogj në zonën e Krujës.
Ata janë qëlluar në momentin kur kanë zbritur nga automjeti i tyre dhe ishin duke hyrë në pallatin ku banonin. Ndërkohë, po merren në pyetje edhe banorët e zonës të cilët mund të kenë dijeni, por edhe disa persona që mund të kenë dijeni për të kaluarën e dy të rinjve.
