Një automjet në pronësi të një 34-vjeçareje është djegur këtë të Shtunë në Korçë. Dyshimet e policisë janë se kemi të bëjmë me zjarrvënie të qëllimshme.
“Rreth orës 01:30, në lagjen nr. 10, Korçë, ka rënë zjarr dhe është djegur plotësisht automjeti tip ‘Smart’ në pronësi të shtetases L.Z., 34 vjeçe, banuese në Korçë, i parkuar në afërsi të banesës së saj. Nga hetimet e kryera, dyshohet se zjarri mund të jetë vënë qëllimisht”, njofton policia.
Nga ana e Policisë po punohet për identifikimin dhe kapjen e autorit/ëve si edhe zbardhjen e rrethanave të ngjarjes, ndërsa materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme, shtuan të njëjtat burime.
