Ambasada britanike në Tiranë reagoi për mediat, pas kërkesave për të mësuar më shumë në lidhje me sanksionet britanike.
Në një reagim, ambasada thekson se nuk komentojnë me emra konkretë dhe nuk japin as numra.
“Këtë javë ne kemi marrë disa veprime të reja ndaj disa personave shqiptarë, me lidhje të mirë-publikuara dhe dokumentuara me kriminalitetin dhe korrupsionin. Është një politikë e vjetër e Ministrisë së Brendshme që të mos komentojë për statusin individual të emigrimit. Prandaj nuk mund të konfirmojmë numra apo emra individualisht”, thuhet në reagim.
Më herët gjatë ditës, kreu i PD-së Sali Berisha konfirmoi se ishte sanksionuar nga Britania dhe akuzat i quajti shpifje.
