Gazetari Klodian Tomorri ka reaguar lidhur me disa nga koncensionet që Qeveria ka dhënë dhe qytetarët nuk marrin shërbime, por edhe mbi sulmin më të fundit kibernetik ndaj e-albania, portali që ofron shërbimet online.
Tomorri shkruan se për Check Up i jepet para koncensionarit për analiza të pakryera, te inceneratorët i jepen para koncensionarit, por mbetjet nuk digjen, ndërsa AKSH-it i jepen para për mbrojtjen dhe sigurinë e sistemeve, por mbrojtje sistemesh nuk ka.
“A ka ndonjë prokuror me dinjitet, që pasi të mbarojë e gjitha kjo, të fillojë një verifikim kryesisht për ato tenderat e AKSHI-t? Të shohë edhe se si i xhirojnë lekët kompanitë, kë paguajnë, sa lekë tërheqin cash. Të shohin dhe ndonjë transfertë apo ortakëri që kanë jashtë vendit”, shkruan Tomorri.
Nga Klodian Tomorri
1-Tek Check Up-i i jepen para koncesionarit per analiza te pakryera
2-Tek inceneratoret i jepen para koncesionarit per djegien e mbetjeve, por mbetje nuk digjen se ska incenerator fare
3-Tek AKSHI i japin para per mbrojtjen dhe sigurine e sistemeve qeveritare asaj kompanise me emer si sistem frenimi dhe asaj tjetres qe eshte gjithmone E Para, por mbrojtje sistemesh nuk ka.
Askush nuk e di sa dem eshte bere dhe sa shtrenjte do ta paguajme kete qe ndodhi. Qeveria nuk po e thote te verteten dhe dyshimet jane se demi eshte shume i madh dhe do ta paguajme shume shtrenjte.
Por pertej kesaj. Nuk paska patur popull me te pasur ne bote se ky. Nese do ta kishin vjedhur keshtu Gjermanine ose Ameriken sot do ishin te falimentuara. Por Shqiperia nuk falimentoka.
Nejse. E rendesishme eshte qe skuadra e dalluar e kunderofensives po punon dite e nate pa u lodhur dhe po e detyrojne armikun te terhiqet.
Tani a ka ndonje prokuror me dinjitet, qe pasi te mbaroje e gjitha kjo, te filloje nje verifikim kryesisht per ato tenderat e AKSHI-t? Te shohe edhe se si i xhirojne leket kompanite, ke paguajne, sa leke terheqin cash. Te shohin dhe ndonje transferte apo ortakeri qe kane jashte vendit.
