Është ndaluar në Aeroportin e Rinasit një shtetas kinez, 32 vjeç.
Kinezi po vinte nga Dubai drejt vendit tonë. Liangbin Chen është ndaluar me qëllim ekstradimin, duke qenë se kerkohet për mashtrim kompjuterik, me pasoja të mëdha.
Programuesi kinez njihet si kreu i një grupi që mashtronte me shitje celularesh dhe kompjuterash.
Ai do t’i dorëzohet autoriteteve të Interpol, për kryerjen e procedurave me qëllim ekstradimin e tij drejt Kinës.
Ndalimi i tij është bërë që në datë 11 korrik për llogari të Interpol Pekinit.
Kinezi akuzohet si kreu i bandës e cila ka patur selinë në qytetin Huzhou në Kinë dhe që ka kryer mashtrime në platformat online për ambiente me qira, shitje kompjuterash dhe telefonash në Dubani, Kinë dhe Emiratete Bashkuara Arabe.
Në Shqipëri, gjykata vendosi ndaj tij masën e sigurisë “Arrest në burg” derisa autoritet kineze të sjellin dosjen e ekstradimit ku janë ngritur akuza për mashtrim kompjuterik me pasoja të rënda që kapin vlerën deri në 1 miliard yen kinez ose 147 mln dollarë.
Policia, me anë të një deklarate për mediat, ka sqaruar ngjarjen.
Njoftimi i policisë:
Falë bashkëpunimit të shërbimeve të Policisë Kufitare Rinas me Interpol Tirana, u bë arrestimi, me qëllim ekstradimi, i shtetasit kinez L. C., 32 vjeç.
Gjatë procedurave të regjistrimit, në hyrje të RSH-së, ky shtetas ka paraqitur një pasaportë kamboxhiane. Pas verifikimeve nga Policia, ky shtetas rezultuar person në kërkim ndërkombëtar nga Interpol Pekini/Kinë, pasi autoritetet gjyqësore kineze i kanë caktuar masën e sigurisë “Arrest në burg”, për veprën penale “Mashtrimi”, parashikuar nga Kodit Penal kinez.
Në bashkëpunim me autoritetet ligjzbatuese kineze, vijon puna për ekstradimin e këtij shtetasi.
