Pasi dështoi në objektivin Bremer, Interi kthen vëmendjen nga një emër që e ndjek prej kohësh. Berat Djimsiti mund të ruajë të njëjtat ngjyra zikaltër dhe të zhvendoset vetëm 30 km me destinacion Milanon.
Mbrojtësi shqiptar i Atalantës është kthyer në vëmendjen e klubit nënkampion të Italisë që kërkon të forcojë mbrojtjen për shkak të pasigurisë që i jep çështja “Skriniar”, përherë në shënjestër të PSG.
“Sportmediaset” bën me dije se Lazaro është kthyer nga huazimi te Benfica dhe Atalanta mund të pranojë një këmbim mes lojtarit italian dhe atij shqiptar. Oret e ardhshme mund të jenë vendimtare për qëndërmbrojtësin kuqezi i cili shikon mundësinë për të bërë hapin e madh dhe për t’u bashkuar me një tjetër shqiptar të skuadrës së Edoardo Rejas, Kristjan Asllanin.
