Në vijim të operacionit“Zhavar”në Fier ku zbuluan mijëra rrënjë kanabis të mbjellë në misër, janë identifikuar dhe janë shpallur në kërkim 4 kultivuesit e lëndës narkotike në tokën bujqësore
Policia bën me dije se janë shpallur në kërkim u bë shpallja në kërkim e shtetasve:
- H.D., 58 vjeç, banues në Tiranë;
- E.Q., 82 vjeç, banues në Baltëz, Fier;
- G.Q., 47 vjeç, banues në Baltëz, Fier;
- A.M., 60 vjeç, banues në Baltëz, Fier.
Nga veprimet hetimore, dyshohet se këta shtetas janë autorë të dyshuar të kultivimit të bimëve narkotike, në parcelën me misër, në fshatin Mujalli, Fier.
Gjithashtu, njoftoi policia: nga veprimet e kryera gjatë operacionit rezulton se personat e arrestuar ditën e djeshme dhe personi i shpallur në kërkim, konkretisht shtetasit Fatjon Gremi, 40 vjeç, Amarildo Xhafa 31 vjeç, Selami Lushkaj, 39 vjeç. janë bashkëpunëtorë edhe në kultivimin e bimëve narkotike, në fshatin Mujalli.
Ndërkohë 83 kilogramë kanabis u gjetën në makinën që ngeci në një kanal, pranë një parcelës me mijëra rrënjë kanabis në këtë fshat. Përveç lëndës narkotike u sekuestruan dhe dy automjetet.
Në cilësinë e provës materiale janë sekuestruar edhe 3 gjeneratorë, 1 radio si e Policisë dhe pajisje të ndryshme pune që shërbenin për mbjelljen dhe rritjen e bimëve narkotike.
