Ish-kryeministri i Kosovës Avdullah Hoti ka sqaruar përmes një mesazhi live për emisionin ‘Çim Peka Live’ në Syri Tv se ndryshimi i kufijve nuk ka qenë asnjëherë qëndrimi i administratës Trump.
Hoti tregoi se as i dërguari special i Trump, Grenell, kurë nuk ia ka shtruar temën e ndryshimit të kufijve me qëllim arritjen e marrëveshjes me Serbinë.
Ish-kryeministri i Kosovës thekson se një temë e tillë nuk i është shtruar në asnjë çast për të arritur një marrëveshje me Beogradin.
“Ndryshimi i kufirit nuk ka qenë asnjëherë qëndrimi i administratës Trump. Ka qenë një ish-këshilltar i Trump, Bolton, që u largua më vonë nga kabineti që e ka pasur një deklaratë.
Grenell si i dërguar special i Trump ka deklaruar disa herë se kurrë nuk e ka shtruar temën e ndryshimit të kufirit.
Mua kurrë nuk më është shtruar kjo temë, as në Shtëpinë e Bardhë dhe në asnjë takim tjetër me qëllim arritjen e marrëveshjes me Serbinë.
Sigurisht kam qenë kundër kategorikisht që në kohën kur ishim në opozitë në vitin 2017-2019 kur u hap kjo temë në forumet ndërkombëtare”, u shpreh Hoti.
