Duket se penalltitë janë “armiku” kryesor i Partizanit. Dy nga ndeshjet më të rëndësishme për të kuqtë në këtë vit, gjysmëfinalja e Kupës me Vllazninë dhe kualifikimi për në turin e dytë ndaj Saburtalos, janë vendosur nga pika e bardhë.
Të kuqtë nuk ia dolën të arrinin në finalen e Kupës së Shqipërisë në përballjen dyshe me Vllazninë, duke u mundur pikërisht pas gjuajtjeve të 11-metërshave. Pas vetëm pak muajsh Saburtalo arriti t’i mposhtte në të njëjtën mënyrë.
Penalltitë duket se nuk janë pika e fortë e “demave”. Gabimet e lojtarëve, kryesisht në moshë të re, kanë rezultuar vendimtare dhe lojtarët e stafi duhet të punojnë shumë për tu përmirësuar në këtë aspekt.
