Universitatea Craiova mat forcat të enjten në orën 21.00 në Shkodër me Vllazninë, në kuadër të takimit të vlefshëm për turin e dytë të Conference League. Klubi rumun shihet si favorit në këtë raund, ndërsa vetë Presidenti i Craiovas, Sorin Cartu e quan pothuajse të sigurtë kalimin në turin tjetër.
“Unë pres të marrim një rezultat që do të na mundësojë turin e tretë. Po mendojmë për kundërshtarin e radhës tani, Zorya Luhansk. Ndeshjet ndërkombëtare janë të ndryshme nga ato të kampionatit. Në ndeshjet ndërkombëtare vendoset shumë krenari dhe ambicie, sepse ju përfaqësoni vendin tuaj.Vllaznia do të ketë një trajtim specifik, si një skuadër shqiptare. Ai nuk është një kundërshtar i frikshëm, por duhet respektuar çdo kundërshtar në kupat evropiane. Nuk po mendoj për një rezultat negativ. Ndeshja e së enjtes korrespondon me ndeshjen e kthimit të javës së ardhshme, deri atëherë do të ketë disa përfundime” – Tha ai.
