Një shqiptar 20 vjeç u arrestua nga policia italiane, pasi ka tentuar që t’i ikë patrullës së karabinierëve.
Sipas medieve fqinje, i riu ndodhej në zonë e kopshteve publike në Strada Rorine në Alba (Cuneo), kur pa një patrullë policie që po kontrollonte kalimtarët.
20-vjeçari tentoi të arratisej, por ushtarakët (me rroba civile) e ndaluan. Gjatë kontrollit, të riut shqiptar ju gjetën doza kokaine me vete dhe qindra euro.
Ndërsa në shtëpi karabinierët i gjetën dhe sekuestruan 1 kilogram kokainë të pastër, e cila nëse do të shitej me pakicë do të arrinte vlerën e 180 mijë eurove. Gjithashtu në shtëpi u gjetën dhe 8 mijë euro cash.
I riu u kap dhe u dërgua në burgun e Astit, nën akuzën e trafikut të lëndëve narkotike. Ai kishte arritur në Itali pak kohë më parë, te një shqiptar tjetër.
