Presidenti Ilir Meta ka përshëndetur çeljen e negociatave të Shqipërisë me BE-në.
Por, Meta theksoi se Shqipëria ka ende punë e përkushtim që të arrijë standardet e vendeve të Bashkimit Europian.
Meta: E sotmja, edhe pse një ditë e vonuar, është e shkëlqyeshme për Shqipërinë, ky është një gur kilometrik i vendosur nga shqiptarët dhe partnerët tanë.
Ky është një sinjal i qartë se BE është e ardhmja e të gjithë rajonit. E vërteta është se kemi humbur shumë kohë, dokumenti i BE është pasqyrë e punëve të pabëra, ose të bëra jo mirë.
Transformimi i vendit kërkon punë të vazhdueshme, anëtarësimi i Shqipërisë në BE është e vetmja rrugë që na sjell paqe dhe begati. U bëj thirrje të gjithë institucioneve që të reflektojnë ndaj detyrave urgjente që kërkon ky proces.
