Në pritje që të shpenzojë paratë e para në këtë merkato vere, duke qenë se si Pol Pogba ashtu sikurse Angel di Maria mbërritën me parametër zero, Juventusi ka shitur 4 lojtarë deri tani, pjesë e skuadrës së të rinjve apo të tjerë të huazuar me kohë diku tjetër, të cilët kanë sjellë 17 milionë euro në arkat e klubit.
I fundit i listës është Mateo Brunori, i cili dje u konfirmua te Palermo për shifrën e 3 milionë eurove, pas 26 golave të realizuar në Serinë C. Ndërkohë, përpara tij, mesfushori Rolando Mandragora nënshkroi me Fiorentinën për 8.2 milionë euro.
Gjithashtu bomberi shqiptar, Xhakomo Vrioni, solli në klub 4 milionë pas transferimit tek amerikanët e Nju Ingland si dhe 1.2 milionë euro nga portieri Franko Israel, i cili nënshkroi me Sportingun e Lisbonës.
