Kontenjerit të cilit i mungonin 49 arka me banane ishte porositur nga kompania ‘Zicco Shpk’, ‘Bana King’, në pronësi të Trifon Muratajt, i cili jeton në SHBA.
Kontejneri me banane që u zbulua i paplumbosur ditën e djeshme në Portin e Durrësit, dyshohet se ka pasur dhe kokainë. Kontejneri ka mbërritur në port më 8 korrik, por nuk ishte paraqitur njeri të tërhiqte.
Para ardhjes në Shqipëri ka bëre tre ndalesa: nga Kolumbia në Spanjë, Itali e Durrës.
Kur është paraqitur në postin e Durrësit, punonjësi i kompanisë për tërheqjen e kontejnerit me banane është vënë re që kontejneri ishte i hapur e mungonin 49 arka me banane.
Policia ka arrestuar punonjësit e sigurisë për 8 ditë qëndrimi nga dy forca sigurie në turn dhe janë 16 punonjës të arrestuar.
Policia dhe prokuroria e Durrësit dyshojnë se kontejneri është manipuluar në port. Për këtë arsye janë ndaluar të gjithë ata policë të forcës portuale të sigurisë, rreth 16 vetë që kanë qenë me shërbim gjatë turnit të ditës dhe natës.
Ishte Task Forca permanente e përbashkët, e përbërë nga Policia Kufitare e Portit të Durrësit, Policia Kriminale e DVP Durrës dhe nga Autoritetet Doganore të Portit, që konstatoi kontejnerin e paplumbosur të ngarkuar me banane ditën e djeshme.
