Rreth 30 persona, punonjës të sigurisë në Portin e Durrësit dhe punonjës të terminalit, janë shoqëruar nga policia e Durrësit.
Sipas raportimeve, shoqërimet lidhen me një kontenier bananesh, i cili rezulton i hapur dhe prej tij mungojnë disa arka.
Hapja e kontenierit është bërë para se të kalonte në filtrin e policisë dhe skanerit.
Policia dyshon se brenda kontenierit mund të ketë pasur lëndë narkotike, edhe pse nga kontrolli i ushtruar nuk është gjetur drogë.
Në ndihmë të policisë do të jenë kamerat e sigurisë në perimetrin e portit, që do të bëjnë të mundur zbulimin dhe lëvizje e autorëve të dyshuar.
Raportohet se kontenieri me banane kishte mbërritur në Portin e Durrësit nga Amerika Latine disa ditë më parë.
Policia pritet të japë një version zyrtar në lidhje me ngjarjen.
