Partizani u eleminua nga Conference League, duke humbur pas 210 minutash loje dhe penalltive me Saburtalon e Gjeorgjisë. Klima te të kuqtë nuk është e qetë pas eleminimit dhe mënyrës si erdhi disfata.
Te “Demat” kanë filluar ta lënë pas këtë humbje, duke menduar për afrimet në skuadër. Dje klubi i Partizanit prezantoi afrimin më të fundit, mbrojtësin sllovak Jozef Menich. 27 vjeçari ka një eksperiencë të pasur në vendlindje, teksa luan në qendër të mbrojtjes.
Një tjetër element që i shtohet grupit është Alban Hoxha. Veterani ka rinovuar dhe siç njoftoi newsport.al më herët do jetë nën urdhërat e stafit teknik edhe për një vit.
Me merkato që është në kulmin e saj, te Partizani priten lëvizje të tjera.
