Një shtetas serb, G.S, i cili ndodhej si turist në Shqipëri, ka humbur jetën në vendin e quajtur “Gryka e Hapur” në Valbonë.
Ngjarja mendohet të ketë ndodhur si pasojë e një ataku kardiak që ky i fundit ka pësuar.
Drejt vendit të ngjarjes janë nisur efektivë të komisariatit të Tropojës dhe ekipi mjekësor për t’u ardhur në ndihmë turistëve të bllokuar në vendin e ngjarjes së rëndë.
Njoftimi i Plotë:
Tropojë/Informacion paraprak
Gjatë paradites, Salla Operative e Tropojës ka marrë njoftim nga një turiste serbe, se në vendin e quajtur “Maja e grykave të hapura”, Valbonë, duke eksploruar zonën me një grup turistësh, njëri prej tyre, shtetasi G. S., kishte ndërruar jetë, dyshohet si pasojë e infarktit.
Shërbimet e Komisariatit të Policisë Tropojë, së bashku me ekipin mjekësor të spitalit të Tropojës, janë nisur drejt adresës së dhënë.
Duke qenë se për shkak të terrenit të thepisur, nuk është e mundur ulja e helikopterit, në ndihmë të shërbimeve të Policisë Tropojë janë nisur edhe Forcat e kërkim-shpëtimit të Kosovës, për të bërë të mundur nxjerrjen e turistëve, nga vendi ku janë bllokuar.
