Skena si nga filmi Far West u shpalosën mbrëmë në sheshin e Agios Pavlos, në Metaxourgeio, të kryeqytetit grek ku një shqiptar hapi zjarr ndaj bashkatdhetarit të tij, duke e plagosur në bark.
Sipas mediave vendase, një dëshmitar i ngjarjes e ka parë shqiptarin, i cili kishte një plumb në bark, duke hyrë në lokalin e tij në tentativë për ti shpëtuar plumbave.
“Në orën 10 viktima ka ardhur në dyqan. Kur erdhi në fillim ishte mirë dhe më pas filloi të djersiste. Ai kishte një plagë në bark. Ne një plumb pamë në bark asgjë tjetër. Fillimisht pamë gjakun dhe më pas kuptuam se ishte një plumb”, tha Thanasis, pronar i një kafeneje në rrugën Chiou ku i plagosuri kërkoi strehim pas përleshjes.
Në fakt, i riu ka shkuar atje duke drejtuar motorin e tij i gjakosur dhe me plumba për 500 metra. Megjithatë, ai arriti të shihte njeriun që e qëlloi.
“Na ka thënë se ka pasur kapele dhe syze të zeza. E ka qëlluar një herë, por më pas na kanë thënë nga lagjja dy dhe tre, por ai është goditur nga një plumb në stomak. Ai erdhi dhe thirri për ndihmë”, shton ai.
Gjithçka ka ndodhur pak pas orës 22:00 kur autori i është afruar viktimës, e cila ishte ulur në një kafene, në kryqëzimin e rrugëve Psarës dhe Kretës, dhe kanë nisur të grinden. Në një moment ai ka nxjerrë armën dhe ka nisur të qëllojë në krahë të viktimës. Sipas informacioneve, sulmuesi ka qëlluar 3 herë mbi 40-vjeçarin, plumbi i parë e ka humbur por dy të tjerët e kanë gjetur në bark.
