Gjykata e Arbitrazhit Sportiv hodhi poshtë apelin e bërë nga Federata ruse e Futbollit dhe katër klube vendase, të cilat u përjashtuan nga kompeticionet europiane.
UEFA dhe FIFA vendosën më 28 Shkurt që kombëtaret dhe ekipet ruse të ndaloheshin të merrnin pjesë në eventet ndërkombëtare, pasi Rusia nisi sulmet ushtarake në Ukrainë.
Në total u bënë gjashtë apelime në këtë institucion, një i federatës ruse ndaj FIFA, e një ndaj UEFA-s dhe një nga secili prej klubeve Zenit St Petersburg, Sochi, CSKA Moskës dhe Dinamos së Moskës kundër qeverisë europiane të futbollit.
Paneli i gjykatës së Arbitrazhit Sportiv dëgjoi pretendimet e palëve apeluese në një video-konferencë në datat 5 dhe 11 Korrik.
Qëndrimi i gjykatës ishte se përshkallëzimi i konfliktit ndërmjet Rusisë dhe Ukrainës dhe përgjigjja e publikut dhe e qeverive anembanë botës, krijuan rrethana të paprecedenta e të paparashikuara, për të cilat FIFA dhe UEFA duhet të përgjigjeshin.
Gjithashtu duke përvcaktuar se kombëtareve dhe ekipeve ruse u ndalohet të marrin pjesë në kompeticione në ngarkim të tyre, me të tilla rrethana mbizotëruese, paneli gjykoi se të dyja palët vepruan me qëllimin e maturisë të fituar falë statuseve dhe rregullave respektive.
Edhe në Maj, CAS hodhui poshtë një kërkesë nga Federata ruse e Futbollit për të ngrirë vendimin e FIFA-s për përjashtim, që i dha fund shpresave për të qenë pjesëmarrëse në Kupën e Botës Katar 2022.
