Zv.kryeministri Arben Ahmetaj tha sot se kryeministri Edi Rama ka një merak për ekonominë shqiptare përballë evazionit fiskal që është shkaktuar nga lufta në Ukrainë.
Në prezantimin e projektligjit për amnistinë fiskale me një grup sipërmarrësit dhe disa nga ministrat e kabinetit, Ahmetaj tha se konteksti i amnistisë është i dhimbshëm pasi Shqipëria ka marrë 3 goditje të mëdha; tërmeti, pandemia dhe kriza për shkak të luftës.
“Ka nevojë ekonomia për të parë ato pasuri në ekonominë shqiptare të deklaruar. Edhe për shkak të merakut që ka kryeministri Rama të materializimit të risqeve për shkak të evazionit fiskal të ardhur nga lufta në Ukrainë”, tha Ahmetaj.
