Analisti Artur Zheji tha në emisionin “Open” se deri më tani në PD është parë vetëm Sali Berisha. Zheji tha se opozita denoncimet duhet t´i bëjë me emër dhe mbiemër.
“Mendoj që grupimi tjetër e ka hapur krahun. Ne sot kemi vetëm Berishën, një kryeopozitar, luftëtar, opozitar dhe kaq. Ku janë investigimet që doktori i paralajmëron. Doktori i bën të gjitha, por nuk shoh një guxim për të denoncuar me emër dhe mbiemër”, tha Zheji.
Ai shtoi se nuk mund t’i nxjerrë doktori të gjitha gështenjat nga zjarri. “Shihet vetëm ai, lufton vetëm ai. Besueshmëria e plotë të opozitarizmin nuk është vetëm ritkhimi i doktorit. Vërtet protesta ishte paqësore dhe shumë mirë që ishte e tillë dhe nuk na duhej një paralele”, tha Zheji.
